Një protestë e madhe mbi çmimin e lartë dhe cilësinë e dobët të karburantit pritet të mbahet ditën e shtunë, 15 dhjetor.

Fushata për këtë protestë ka nisur në rrjetet sociale, e deri tani nuk ka asnjë organizator të deklaruar, por po cilësohet si protestë e iniciuar nga vetë qytetarët.

Protesta parashikohet të mbahet në sheshin “Shqiponja” dhe mendohet të zgjasë për rreth 3 orë.

Shumë qytetarë kanë vendosur t’i bashkohen protestës deri tani.

Nuk dihet ende nëse është marrë leja në polici për këtë tubim, por shihet se ka një interesim mjaft të madh.