Kreu i qeverisë Edi Rama u pyet sërish sot nga gazetarët se pse çmimi i naftës në vendin tonë është një nga më të lartat në të gjithë BE-në, pavarësisht se ne jemi një prej vendeve më të varfra të saj. Rama tha se e ka shpjeguar njëmijë here se kjo ndodh sipas tij se për shkak në çmimin e naftës në vendin tonë është e përfshirë dhe pjesa e taskës së qarkullimit. Sipas tij kjo është një nga vendimet më me vend që ka marrë qeveria paraardhëse, ajo e Sali Berishës. ”Në çmimin e karburantit në Shqipëri është e përfshirë edhe taksa e qarkullimit, nëse kjo paguhet dy herë si në vende të tjera, atëherë çmimi i karburantit shkon njësoj si mesatarja e vendeve të tjera. Këtu është e integruar që prej qeverisë paraardhëse, dhe duhet thënë që është një nga çështjet më të mendçme që ka bërë ajo qeveri. Njëmijë e njëherë ua kam shpjeguar që është një çështje strukturore e çmimit”, u shpreh Rama.
Pse nuk pati sukses Reforma në sektorin e hidrokarbureve, apo se preken oligarkët e mëdhenj që quan Lulzim Basha?
“Reformë në aspektin e shpërndarjes dhe të arkëtimit të faturave të energjisë prek më shumë njerëz, prandaj ka qenë dhe më shumë në fokusin tonë. Puna vazhdon dhe për pjesë e hidrokarbureve”, tha shkurtimisht Rama.
“Faleminderit për pyetjen, unë doja të thoja se në sektorin e hidrokarburëve, shteti është rregullator, ndërsa komponentët janë privat. Po të heqësh mënjanë Albpetrol, e cila ka shkaktuar më shumë debi në buxhetin e shtetit, dhe ka krijuar një impakt të madh social, komponentët e tjerë janë komponent privat. Bankers është operatori nxjerrës më i madh në vendin tonë, duke shpresuaq që aktivizimi i SHELL të sjellë një balancim të këtij sektori. Sa i takon çmimit, ndikojnë të gjitha rrethanat në të cilat ndodhet tregu”, tha Balluku.
