COVID-19 i ka marrë jetën punonjësit të Kadastrës Shqiptare, Flamur Muçollarit. Lajmin e trishtë e bën me dije Kadastra Shqiptare përmes një postimi në rrjetet sociale ku shkruan se Flamuri ishte një njeri i papërtuar, që i buzëqeshte gjithmonë punës.
Muçollari ishte punonjës i mirëmbajtjes në zyrat qendrore të Kadastrës Shqiptare. Ky është rasti i parë i humbjes së jetës nga Covid-19 në këtë institucion.
Miq të shumtë kanë shprehur ngushëllimet për ndarjen nga jeta. “Duararti, i papërtuari, njeriu që i buzëqeshte punës, iku! Flamuri i mirë nuk e përballoi dot këtë flamë virus. Ngushëllime familjes! Pushoftë në paqe!”, shkruan Kadastra Shqiptare.
