Ditën e djeshme janë publikuar pamjet nga kamerat e sigurisë dhe momenti kur 25-vjeçari Klodian Rasha u ‘eliminua’ nga efektivi i policisë thuajse një javë më parë. Pamjet u publikuan në emisionin “Uniko” nga gazetari Spartak Koka ku duket përballja e parë e Rashës me patrullën e policisë dhe më pas momenti i ekzekutimit. Ndërkohë siç mund të vihet re, cilësia e videos e kapur nga kamerat nuk është shumë e qartë, por mund të ndërtohet dinamika e ngjarjes. Fillimisht Klodian Rasha shihet duke qëndruar i mbështetur tek pema në anë të rrugës kryesore “Dritan Hoxha”, vetëm pak metra larg shtëpisë së tij dhe pastaj shfaqet makina e policisë.
Me ta vënë re, Klodiani shqetësohet dhe nis të shpejtojë hapat për t’u larguar, ndërsa efektivi i policisë Nevaldo Hajdaraj i vihet nga pas duke e ndjekur deri në hyrje të rrugicës së shtëpisë së të riut dhe në atë moment e ka qëlluar.
Më poshtë jepet video e plotë dhe kronologjia e gjithë ngjarjes, e llogaritur me orën reale se si ka rrjedhur ajo nga fillimi, deri në fundin tragjik të Klodian Rashës.
