“Tirana Today” ka vendosur që të risjellë lajmet më të lexuara të vitit 2019 dhe një herë në vëmendjen e lexuesve. Agjencia e njohur italiane “Ansa” ka zbuluar një fakt të pazakontë në lidhje me situatën pas tërmetit në Shqipëri. Sipas kësaj agjencie, tërmeti 6.4 ballë që tronditi vendin mëngjesin e së martës, ka shkaktuar ngritjen e tokës me rreth 10 centimetra, afër qytetit të Durrësit. Këtë fakt e tregon sateliti Sentinel-1 i programit të Agjencisë Evropiane të Hapësirës (ESA), i cili ka analizuar të dhënat.
Harta e marrë nga satelitët e Evropian Sentinel tregon deformimin e tokës siç ka ndodhur në tërmetet vitit 2009 në L’Aquila apo në 2012 në Emilia Romagna. Platforma Geohazard-tep, e zhvilluar nga ESA bëri një krahasim të imazheve të marra nga satelitët, para dhe pas tërmetit. Krahasimi midis dy pamjeve bëri të mundur marrjen e një interferogrami, domethënë hartën e zhvendosjes së tokës.
