OFL i ka dërguar formularin e deklarimit të pasurisë pesë të dënuarve kryesisht për vjedhje dhe pjesëmarrje në organizata krīminale në Tiranë. Bëhet fjalë për Erneo Farrukun, Ahmet Allën, Edison Alhasën, Dritan Gjatën dhe Ardian Sulën. “Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme”, njofton OFL.
Njoftimi i plotë: Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020. Në kuadër të zbatimit të Ligjit Special për masat pasurore ndaj individëve të dënuar apo akuzuar për krīm të organizuar apo krīme të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve: E. F., me banim në Durrës, i dënuar në Spanjë për veprën penale “Trafik drōge” kryer në bashkëpunim dhe “Pjesëmarrja në organizatë krīminale”;
A. A., me banim në Tiranë, i dënuar për veprën penale “Vjedhja me ārmë”;
E. A., me banim në Tiranë, i dënuar për veprën “Vjedhja me dhūnë”;
D. Gj., me banim në Tiranë, i dënuar për veprën penale “Vjedhja me ārmë”;
A. S., me banim në Tiranë, i dënuar për veprën penale “Vjedhja me ārmë”.
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krīmi, si dhe për dërgimin e formularëve të vetëdeklarimit të gjithë personave që janë subjekt i Ligjit Special. OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.
