Prej dy ditësh vendi është përfshirë nga moti i keq, ndera në Vlorë është shoqëruar edhe me dëme materiale. Mësohet se për shkak të dallgëzimit të fortë në det, në zonën e Radhimës janë dëmtuar disa anije peshkimi. Kjo ka ardhur si pasojë e dallgëzimit të lartë i cili ka shkaktuar edhe përplasjen e anijeve me kalatën. Dëme nga era janë shkaktuar edhe në rezervatet e peshkut në Karaburun ku janë dëmtuar rrjetat. Mësohet se disa varka peshkimi i kanë marrë dallgët, ndërsa të tjera kanë pasuar dëmtime për shkak të përplasjeve.
