Dy përfaqësues të Ambasadës së Kenias në Itali kanë mbërritur në Shqipëri për të vizituar 22-vjeçaren keniane Joy, e cila u dhunua barbarisht disa muaj më parë dhe rrethanat e ngjarjes nuk janë zbuluar ende.
Dy përfaqësuesit u deleguan nga vetë ambasadori dhe mbërritën në vendin tonë pasditen e së martës (10 janar) për të vizituar Joy në spitalin ku po trajtohet.
Dhunimi i 22-vjeçares, e cila punonte në një kazino, ndodhi në Tiranë më datën 13 gusht të vitit 2022. Ajo u gjet në gjendje kome në katin e parë të banesës që jetonte me qera.
