Një 30-vjeçar, fotoja e të cilit kur ishte foshnje është bërë kopertina e albumit të parë të grupit Nirvana “Nevermind” 1991, ka paditur grupin e famshëm, duke pretenduar shfrytëzim seksual. Spencer Elder shfaqet katër muajsh në një pishinë, duke kapur një kartëmonedhë dollari të varur para tij. Tani 30 vjeç, Elden thotë se prindërit e tij kurrë nuk nënshkruan një leje që autorizonte përdorimin e imazhit të tij në album.
“Imazhet ekspozuan pjesën intime të trupit të Spencerit dhe shfaqën në mënyrë të ndërgjegjshme organet gjenitale që nga koha kur ishte foshnjë deri në ditët e sotme,” pretendojnë dokumentet ligjore të depozituara në Kaliforni.
Avokati i Elden, Robert Y. Lewis, argumenton se përfshirja e kartëmonedhës së dollarit e bën të miturin të duket “si një punëtor seksi”. Ai pretendon se Nirvana kishte premtuar se do të mbulonte organet gjenitale të Eldenit me një afishe, por kjo nuk ndodhi. Elden pretendon se “identiteti i tij i vërtetë dhe emri ligjor janë të lidhura përgjithmonë me shfrytëzimin seksual komercial që ai përjetoi si i mitur.
I riu kërkon dëmshpërblim prej të paktën 150 mijë dollarë nga secili prej 15 të pandehurve, të cilët përfshijnë anëtarët e bandës të mbijetuar Dave Grohl dhe Krist Novoselic; menaxherët e pasurisë së Kurt Cobain; Ish gruaja e Cobain Courtney Love; dhe fotografin Kirk Weddle. Përfaqësuesit e anëtarëve të grupit Nirvana ende nuk i janë përgjigjur pretendimeve.
Albumi, i cili përfshinte hitet Smells Like Teen Spirit, Come As You Are dhe Lithium, ka shitur më shumë se 30 milionë kopje në të gjithë botën. Elden ka rikrijuar kopertinën e albumit disa herë si adoleshent dhe i rritur – gjithmonë i veshur me mbathje noti – për të shënuar përvjetorët e 10 -të, 20 -të dhe 25 -të të Nevermind.
