Në historinë e Prokurorisë Shqiptare ka shumë raste kur prokurorët e kanë përdredhur gjuhën për të shpëtuar të akuzuarit. Pas arsyetimeve si rrjetë merimange gjendet arsyeja e mosnisjes së procedimeve penale duke përdorur procedurën edhe pse ka prova për krime.
Një nga këta prokurorë është edhe Ervin Karanxha i prokurorisë së Tiranës. Shikoni se si ai mbylli me procedurë hetimin ndaj një diplomati, që dyshohej se kishte përvetësuar milionë euro dhurata nga vendet arabe për restaurimin e xhamive në Shqipëri.
Inspektorati i lartë i deklarimit të kontrollit të pasurive kishte denoncuar në vitin 2018 ish ambasadorin e Shqipërisë në Katar Edmond Çaça. Gjatë kontrollit të pasurive të tij disa milionë euro, kishin gjetur mangësi të mëdha në dokumentacionin dhe justifikimin e pasurive, shpenzimeve të mëdha për udhëtime, dhurata, blerje tokash, apartamente apo edhe para kesh.
