Fotografi Yasuto, i cili është nga Japonia, kohët e fundit ka publikuar disa foto shumë të bukura të gjyshes së tij dhe qenit të saj. Imazhte janë bërë publike në Twitter, ku fotografi nuk është kursyer të ndajë me ndjekësit e tij këto pamje mbresëlënëse.

Edhe pse qëllimi i fotografit fillimisht ka qenë të tregonte lentet e reja që kishte blerë, askush nuk e kishte mendjen tek ato. Të gjithë janë përqëndruar tek gjyshja me qenin dhe ambienti i mrekullueshëm që i rrethon të dy.

Në foto, gjyshja dhe qeni qëndrojnë pranë e pranë njëri-tjetrit. Ata duket sikur bisedojnë dhe merren vesh shumë mirë mes tyre. Siç kuptohet, kjo e moshuar ka vendosur të kalojë me mikun e saj besnik ditët e fundit të jetës, e të dy bashkë mundohen të argëtohen e të bëjnë sa më shumë aktivitete të kenë mundësi.