Mjeku Gerald Kola i ftuar në Lajmet në Dritare tha se jo çdo simptomë është kovid. Ky sezon është i favorshëm për viroza të tjera të stinës, u shpreh mjeku, duke theksuar se kur është moment që duhet të shqetësohemi për simptomat.
“Bark, të vjella, temperaturë, dhimbje koke, dhimbje trupi, janë simptoma të virozave të stinës. Momenti kur duhet të shqetësohemi, është kur ka diarre dhe të vjella të thella. Temperaturat e larta, që zgjat në kohë, është një tjetër tregues për të pasur kujdes. Ulja e oksigjenimit, nëse nis të bjerë nën 95% është problem”.
Më tej doktor Kola tha se pacientët duhet të kenë kujdes me oksimetrin që marrin në shtëpi për të matur oksigjenin.
“Ajo që dua të theksoj këtu është që duhet të ketë shumë kujdes me oksimetrat që njerëzit i përdorin në shtëpi. Njerëzit shtyhen t’i marrin në çmime të lira, nëpër faqe internet qoftë edhe nga jashtë, por kjo është gabim. Duhet t’i besojnë vetëm atyre origjinale që janë të prodhuara nga firmat përkatëse”, u shpreh mjeku Kola në Dritare TV./L.F-dritare.net
