Virologu i njohur amerikan Anthony Fauci është shprehur se vaksina kundër Covid-19  mund të jetë gati në Shtetet e Bashkuara të Amerikës para fundit të vitit 2020 nëse provohet të jetë “e sigurt dhe efektive”.

Fauci ndër të tjera tha se dozat e para do të jenë të kufizuara dhe do t’u shkojnë njerëzve sipas një përparësie të caktuar – dhe se do të duheshin “disa muaj në 2021” para se vaksina të ishte më gjerësisht e disponueshme. Ai shtoi se vaksina nuk do të zëvendësonte nevojën për masa të shëndetit publik për të mbrojtur njerëzit nga virusi për një kohë të konsiderueshme.