Një turist italian është shpëtuar nga vdekja falë ndërhyrjes së shpejtë të kapitenerisë së portit të Durrësit dhe doktorit të cilët i kanë dhënë ndihmën e shpejtë. Ngjarja u shënua rreth orës 22:40 minuta të mbrëmjes së 6 shtatorit, kur në Kapitenerinë e portit të Durrësit mbërriti një alarm SOS nga krociera MSC Magnifica , rreth 20 milje larg Durrësit.
“Një pasagjer kishte pësuar traumë të rëndë në kokë nga përplasja dhe kërkohej zbarkimi i tij i menjëhershëm për ndihmë mjekësore të specializuar” informon kapiteneria e portit.
Menjëherë u lajmërua Kapiteni i Portit dhe u vu në gadishmëri doktori i portit dhe rimorkiatori Joni si dhe ju dha urdher krocieres MSC Magnifica te afrohej në Radën e Durrësit.
Në orën 23: 15 minuta rimorkiatori ka dalë nga porti për ti shkuar në ndihmë kroceras e cila po afrohej me shpejtësi 21 milje/ore. U rakordua nga kapiteni i Portit i cili ndodhej në bord të rimorkiatorit pika e takimit midis 2 mjeteve afër fenerit të Pilotit. Në orën 00:15 minuta rimorkiatori u lidh ne bordin e djathte te krocieres dhe u be e mundur kalimi ne bord me barrele portative i te sëmurit z.Matteo Sartori dhe te fejuarës qe e shoqëronte znj.Sonia Marcato
I sëmuri ndodhej në gjëndje të rënduar dhe gjatë udhëtimit për në port u mbajt mask oksigjeni dhe serum, në 00:40 rimorkiatori mbërriti në port dhe i sëmuri u zhvendos në ambulancën e Spitalit të Durrësit e cila priste në kalatë. Më pas i sëmuri u nis drejt spitalit për ti dhënë ndihmën e specializuar mjekësore.
