Dy aksidente kanë ndodhur brenda pesë minutash në Tiranë mbrëmjen e sotme, ku dy drejtuesit e automjeteve kanë vepruar në të njëjtën mënyrë. I pari ndodhi tek rruga “Aleksandër Moisiu”, ku drejtuesi i Foristradës u largua nga vendi i ngjarjes pasi aksidentoi një 55-vjeçar. Pesë minuta më vonë, një 58-vjeçar u përplas nga një mjet të paidentifikuar në rrugën “Bardhyl”. Të dy të lënduarit ndodhen në spital jashtë rrezikut për jetën, ndërsa policia po punon për të identifikuar drejtuesit e automjeteve.
Tiranë/Informacione paraprake Më datë 30.12.2020, rreth orës 19:30, në rrugën “Aleksandër Moisiu”, një mjet tip “Foristrad”, ka aksidentuar duke u larguar nga vëndngjarja shtetasin A. D., 55 vjeç, i cili ndodhet në spital, nën kujdesin e mjekëve.
Më datë 30.12.2020, rreth orës 19:35, në rrugën “Bardhyl”, dyshohet se një mjet me drejtues ende të paidentifikuar ka aksidentuar duke u larguar nga vëndgjarja shtetasin Xh. L., 58 vjeç, i cili ndodhet në spital, jashtë rrezikut për jetën. Grupi hetimor ndodhet në vendngjarje dhe po punon për zbardhjen e rrethanave të ngjarjes si dhe për identifikimin e autorve dhe gjetjen e mjeteve.
