Një ngjarje aspak e zakontë ka ndodhur së fundmi në Tiranë. Një qytetar i cili jeton në Astir është përballur me një të papritur kur është zgjuar dhe është nisur për në punë. Kur ka shkuar për të marrë makinën që kishte parkuar në rrugë, ashtu siç bënte zakonisht ka vërejtur se ajo ishte dëmtuar në pjesën e djathtë.
Por pas verifikimeve të tij ai ka vërejtur se këto dëmtime nuk ishin nga një automjet tjetër dhe për këtë arsye ka vendosur të ankohet në polici.
Pasi policia ka marrë pamjet e kamerave të disa bizneseve dhe ambienteve përreth ka arritur të zbulojë misterin. Në kamera është zbuluar se makina e qytetarit është dëmtuar nga dy lopë që po kalonin rrugën.JOQ
