Një 44 vjeçar është vënë në prangat e policisë së Durrësit pasi dyshohet për vjedhjen e automjeteve.
Në kuadër të operacionit të koduar “Tendenca” është bërë i mundur ndalimi i shtetasin J. V., 44 vjeç, banues në Durrës.
Nga hetimet rezultoi se shtetasi J. V., gjatë muajit prill 2023, në lagje të ndryshme të qytetit të Durrësit, në 6 raste, pasi ka thyer xhamat e automjeteve, me sende të forta, ka vjedhur sende të ndryshme në këto automjete.
“Thyente xhamat e automjeteve dhe vidhte sendet personale, në këto automjete, pas një pune hetimore më metoda proaktive, kapet në flagrancë dhe vihet në pranga 44-vjeçari.
Zbardhen 6 raste të vjedhjes me thyerje të automjeteve, të kryera nga ky shtetas.
Vijon puna për zbardhjen dhe dokumentimin e plotë ligjor të aktvitetit kriminal të këtij shtetasi, në fushën e vjedhjes së pronës, pasi dyshoshet se ai ka kryer edhe disa vjedhje të tjera në qytetin e Durrësit, gjatë tremujorit të parë të këtij viti.
Specialistët e Seksionit për Hetimin e Krimeve të Komisariatit të Policisë Durrës, në vijim të punës për parandalimin e vjedhjeve, zbardhjen e atyre të ndodhura më parë, identifikimin dhe kapjen e autorëve, pas një pune hetimore, duke përdorur metodat proaktive, bazuar dhe në inteligjencën informative, organizuan dhe finalizuan operacionin policor të koduar “Tendenca”.
Në kuadër të operacionit, specialistët e Seksionit për Hetimin e Krimeve të Komisariatit të Policisë Durrës kapën dhe arrestuan në flagrancë në tentativë për të vjedhur sendet personale në një automjet, në lagjen nr.4 Durrës, shtetasin J. V., 44 vjeç, banues në Durrës.
Bazuar në provat e siguruara gjatë hetimit proaktiv dhe veprimeve të kryera gjatë momentit të arrestimit të 44-vjeçarit, është bërë i mundur dokumentimi ligjor i aktivitetit kriminal të vjedhjes së sendeve në automjete, nga ky shtetas.
Nga hetimet rezultoi se shtetasi J. V., gjatë muajit prill 2023, në lagje të ndryshme të qytetit të Durrësit, në 6 raste, pasi ka thyer xhamat e automjeteve, me sende të forta, ka vjedhur sende të ndryshme në këto automjete.
Specialistët për Hetimin e Krimeve të Komisariatit të Policisë Durrës, në bashkëpunim me Prokurorinë, vijojnë hetimet për zbardhjen dhe dokumentimin edhe të disa vjedhjeve të tjera që dyshohet se janë kryer nga ky shtetas.
Materialet procedurale në ngarkim të këtij shtetasi iu referuan Prokurorisë pranë Gjykatës së Rrethit Gjyqësor Durrës, për veprat penale “Vjedhja” dhe “Shkatërrimi i pronës””, thuhet në njoftimin e policisë.
