Një 48-vjeçar shqiptar, prej vitesh emigrant në Itali, ka humbur jetën në një aksident tragjik në Altopascio.
Viktima është Fatmir Muslia, i njohur për komunitetin vendas në Lucca edhe si Fabio, që gëzonte respektin e tyre gjithashtu.
Media italiane shkruan se shqiptari, shofer kamioni, u përplas me një tjetër mjet në Calenzano, e njohur edhe si rruga “A1”. Ai ishte banues i qytetit në Via di Vittorio.
Fatmiri, shofer me profesion, ishte pas timonit të një kamioni kur, për arsye që ende nuk dihen dhe po hetohen, goditi një kamion përpara tij. Një aksident i dhunshëm që për fat të keq nuk i la shpëtim Fabios, siç e thërrisnin të gjithë tani.
Dje, një grup bashkatdhetarësh të tij u mblodhën për të shkuar në shtëpinë e tij në Via di Vittorio, një kryqëzim midis Via Firenze dhe Via Romana, ku ishte ngritur edhe vendi për të pritur ngushëllimet nga familja.
Funerali, në të cilin mori pjesë i gjithë komuniteti, ishte thellësisht prekës. Askush nuk donte të mungonte në dhënien e nderimeve të fundit. Varrimi i tij u bë në varrezat e qytetit të Tau-së. Ata u shprehën se “Fatmiri do u mungonte shumë”.
Ai lë pas gruan e tij, Blerinën, dhe fëmijët e tij, Fabiano dhe Fabiola. Fabio kishte qenë në Itali përrreth njëzet vjet, veçanërisht në Altopascio, ku ishte integruar më së miri, informon media e vendit fqinj.
“Aq shumë saqë frekuentonte shpesh një klub në kryeqytet, ku luante bilardo, një nga pasionet e tij. Por shumë e shihnin atë në Badia Pozzeveri dhe më gjerë”, thanë miqtë e tij.
“Vinte gjithmonë. Ishte gjithmonë i sjellshëm, i dashur, duke folur me miqtë – një person vërtet i mrekullueshëm. Jemi thellësisht të trishtuar; kur e dëgjuam lajmin, mezi e besonim. Por për të gjithë, ai ishte një njeri për t’u admiruar. Gjithmonë i saktë në punë, kurrë i pakëndshëm. Ai ndërmerrte edhe udhëtime të rëndësishme; ishte një lloj “padroncino”, siç njihen në zhargon për shoferët e vetëpunësuar të kamionëve, sipërmarrësit e vegjël që zotërojnë një ose më shumë automjete dhe transportojnë mallra për palë të treta”, dëshmuan miqtë.
