Dy netë më parë një ngjarje e rëndë u shënua në Elbasan ku një 41 vjeçar humbi jetën.
Bashkëshortja e Everest Cakës, Silvana ishte bashkë me të dhe ajo ka treguar se si në fillim një makinë i përplasi nga pas dhe më pas nje person i maskuar erdhi dhe “ia bënë trupin shoshë”. Ka qenë ajo që mëpas ka njoftuar uniformat blu.
Report Tv ka siguruar pamjet pak pas ngjarjes. Në video shihet teka bashkëshortja e tij, Silvana Çaka, e mban në krahë dhe është e traumatizuar nga ngjarja, ndërkohë që nuk lejon mjekët që të ndërhyjnë.
Ndonëse ajo ishte e plagosur shihet teksa e përqafon të shoqin,i cili humbi jetën menjëherë në vendngjarje. Ata po shkonin tek prindërit e Silvanës kur i ndaluan dhe plani ishte i mirëmenduar pasi aty nuk kishte as kamera.
