Ndonëse periudha e izolimit i detyroi burrat nëpër botë që të rrisnin flokët më shumë sesa zakonisht, asnjë gjatësi e flokëve të tyre nuk mund të krahasohet me atë të Nguyen Van Chien.
Burri 92-vjeçar nga rajoni jugor i Vietnamit, Mekong Delta, krenohet me gjatësinë e flokëve të tij (pesë metra), të cilat nuk i ka prerë, larë e as krehur qe gati 80 vite, shkruan The Guardian. Atij iu kërkua që t’i priste flokët në shkollë, por u largua nga ajo në klasë të tretë me idenë se nuk do i priste, krehte e lante ato asnjëherë.
“Flokët duken të thjeshta, por janë shënjtore”, deklaroi për The Guardian 92-vjeçari vietnamez. “I qëndroj besnik besimit se, po i preva flokët, do të vdes. Nuk guxoj të ndryshoj asgjë në to, madje as nuk i krehi”, u shpreh Chien.
“Gjëja e vetme që bëjë me flokët e mia është tharja e tyre nëpërmjet një shalli”, deklaroi tutje ai. Chien, i cili beson në nëntë fuqi dhe shtatë perëndi, thotë se hyjnitë i bënë thirrje atij të rriste flokët, të cilat i mbledhë nën një çallmë ngjyrë portokalli.
