Transmetimet live janë gjithmonë të sikletshme dhe jo rrallë herë na ka ndodhur që të shohim momente pikante të moderatotëve të vënë në siklet apo edhe që nuk e kontrollojnë dot veten.
Një gjë e tillë ka ndodhur sot me moderatoren bukuroshe të “Rreze Dielli”. Teksa ishin në fund të programit Bela Mero së bashku me partnerin e saj në prezantim, Alban Musa ishin duke lançuar një insert për vodka-n, dhe Bela nuk e kontrolloi dot të qeshurën.
“Mirë, tashmë jemi në një pjesë tjetër të programit, një pjesë që do t’ju pëlqejë shumë sepse do flasim për pijet alkoolike”, u dëgjua të thoshte Albani.
Ndërkohë, ashtu si mund ta shihni edhe në video, Bela nuk e mbajti më të qeshurën, duke u justifikuar me faktin që ishin duke qeshur ndërkohë që në ekran ishte momenti i publicitetit.
Nuk e dimë nëse moderatorja është fanse e alkoolit, por ajo që dimë me siguri është se kjo video nuk duhet humbur dhe ne s’na mbetet tjetër veçse t’i themi Belës “gaz paç”!
