Një 37-vjeçar shqiptar humbi jetën disa ditë më parë në një aksident në Itali. Mediat italiane bëjnë me dije se viktima është identifikuar si Alfred Voka, 37 vjeç.
Ngjarja ndodhi mbrëmjen e 2 korrikut në një kryqëzim në Varese. Shqiptari udhëtonte me një motor tip Yamaha V-Max dhe u përplas nga një makinë tip “Jeep”.
Ky i fundit ka dalë nga rruga ku ishte dhe është përpjekur që të futet në drejtimin tjetër, por i ka prerë rrugën motorit.
Përplasja ishte fatale. Shqiptari ndërroi jetë menjëherë në vendin e ngjarjes. Të dyja mjetet pësuan dëmtime të rënda.
Ekspertët pritet që të përcaktojnë shpejtësinë e motorit dhe makinës në momentin e ngjarjes. Megjithatë, sipas mediave, drejtuesi i fuoristradës duhet t’i kishte dhënë përparësi motoristit
