Mijëra qytetarë janë duke protestuar para Kryeministrisë për rritjen e çmimeve që kanë shkuar në stratosferë. Një e re është ngritur në podium, por është përzënë nga protesta për shkak se ka falënderuar kryeministrin Edi Rama për “ngritjen e Shqipërisë” dhe po ashtu për shkak se ka thënë se qytetarët nuk kërkojmë që ai të largohet nga posti
“Mirëmbrëma të gjithëve, gëzuar Ditën e Verës dhe shpresoj të jeni të lumtur. Dua t’i bëj një kërkesë kryeministrit. Ne nuk kërkojmë të ikësh, por të falënderojmë për ngritjen e Shqipërisë që jemi të sigurt që të tjerët nuk do e bënin. Je i pandalshëm dhe i paprekshëm, por situatën duhet ta shohësh në syrin e një artisti që je.”-tha e reja.
