Një grua nga Turqia ka përjetuar dhimbje të mëdha të barkut pas një operacioni, ku kirurgu kishte harruar gërshërët brenda.
Kirurgu i tha Nurcihan Ogmen, 61 vjeç, nga provinca Aydin në jug-perëndim të Turqisë se dhimbjet pas operacionit janë normale.
Sipas mediave turke Nurcihan iu nënshtrua një operacioni prej 5 orësh për heqjen e lëkurës së tepërt në bark dhe doli nga spitali të nesërmen. Ajo përfundoi sërish në spital pasi ndjente një dhimbje të fortë në bark dhe pjesa e stomakut ishte e enjtur, Kirurgu thuhet se i tha Nurcihan se kjo ishte normale dhe do të kalonte.
Më vonë ajo shkoi me burrin e saj Kubdettin Ogmen në Spitalin Shtetëror Soke pasi simptomat vazhduan për dy muaj. Një rreze X tregoi se Nurcihan kishte një gërshërë të lënë në bark.
Ajo u kthye te kirurgu i saj origjinal L.A., i cili hoqi gërshërët gjatë një operacioni që zgjati dy orë.
Nurcihan tha: “Pas operacionit, dhimbja ime u përkeqësua. U bë aq e rëndë sa që shkoja për kontroll pothuajse çdo javë. Mjeku nuk më besoi dhe më largoi duke thënë se thjesht duhet të kem durim. Ai më largonte dhe nuk ishte i interesuar të më dëgjonte dhe unë nuk mund t’ja shpjegoja dot gjithë dhimbjen e madhe që kisha. Ende e ndiej dhimbjen. Ende nuk jam shëruar plotësisht”, është shprehur ajo.
Nurcihan ka paraqitur një ankesë tek autoritetet lokale në lidhje me kirurgun së bashku me administratën e spitalit dhe personelin tjetër mjekësor të përfshirë në operacion. Zyrtarët e spitalit dhe kirurgu nuk kanë komentuar.
