Një ngjarje e rëndë raportohet të ketë ndodhur në Pisa të Italisë, ku një 29-vjeçar shqiptar është gjetur i vdekur.
Mediat vendase bëjnë me dije se viktima është Besmir Shala, i lindur në Shqipëri, banues në Pisa ndërsa më parë kishte jetuar në Norvegji.
Njoftohet se trupi i pajetë i 29-vjeçarit shqiptar u gjet në Moruzzi në rrethrrotullimin CNR në Ghezzano, ndërsa mësohet se i riu po ngiste një motor kur u përplas në rrethrrotullim dhe vdiq në çast. Autoritetet dyshojnë se atë e ka zënë gjumi ose mund të ketë pasur ndonjë problem shëndetësor.
