Në fotot e mëposhtme shihet një ari i murrmë i shpëtuar nga një park turistësh, që tashmë del për peshkim në varkë, bashkë me pronaren e tij. Ariu Arçi dhe Veronika Dichka preferojnë shumë të peshkojnë së bashku në liqenet e zonës së tyre Novosibirsk, në Siberinë jugore. Veronika e mori Arçi kur parku i turistëve ku ai banonte u mbyll dy vjet më parë, dhe tashmë e mban si kafshë shtëpiake.
Çifti i pazakontë, bashkë me miq të tjerë kenaqen në shoqërinë e njëri-tjetrit teksa shihen që peshkojnë me kallamë në duar, dhe më pas Veronika që përqafon mikun e saj leshtor.
Me kallamin në dorë Veronika pret që peshqit të bien në grep, ndërsa Archie arrin t’i rezistojë tundimit të hidhet në ujë për ta kapur vetë ushqimin e tij. Veronika thotë: “Ai më konsideron si anëtare familjeje, ne hamë bashkë dhe ai fle në krahët e mia kur ka frikë. Ndodh shpesh që fshihet prapa meje.
Ne e shpëtuam atë nga parku por nuk mund ta lëshonim në botën e egër pasi ka jetuar gjithë jetën me njerëzit. Arçi kalon gjithë ditën me ne dhe është i dashuruar me ujin. Atij i pëlqen shumë kur e çoj në vende të reja dhe ky sesion fotosh ishte shumë zbavitës për të”.
