Është shoqëruar me të ashtuquajturat ‘meme’ në facebook, mesazhi I kryeministrit, audio apo i shkruar, lidhur me këshillat për higjenën, kryesisht larjen e duarve, drejtuar shqiptarëve.
Një prej tyre, Rama ka zgjedhur ta ndajë me ndjekësit në rrjetet sociale, ndërsa shkruan se do të kishte dashur të ndante edhe shumë të tjera.
“ Ashtu si në kulmin e hallit të tërmetit kishte momente humori, që faktikisht gjithnjë bëhet më pikant në periudhat më të vështira, ka pasur edhe në këto ditët e vetëburgosjes tonë kolektive goxha humor nëpër rrjete! Jam matur disa herë t’i ndaj këtu ca perla humori me telefonatat ku dilte zëri im, po këtë s’e mbajta dot pa e ndarë me ju dhe bravo kush e ka bërë”
