Para pak ditësh Einxhel pësoi një incident në shtëpinë e “Big Brother VIP”. Teksa po tentonte të bënte një lojë, ajo lëndoi krahun dhe iu desh t’i nënështrohej edhe një ndërhyrjeje kirurgjikale. Ditën e djeshme ajo la spitalin për t’u rikthyer sërish në shtëpinë më të famshme në Shqipëri.
Banorët të gjithë u treguan të gatshëm ta ndihmonin dhe ti qëndronin afër. Në një bisedë me Monikën dhe Beniadën, Einxhel ka treguar se nuk do donte të shkonte në shtëpi sepse nuk donte të mundonte familjarët e saj.
“Ata këtej kujdesen për mamin, këtej do kujdeseshin për mua. Një e kanë që nuk ecën nga këmba, do më kishin dhe mua…Në spital nuk kisha qejf të rrija, në shtëpi…kujt t’i shkoja në shtëpi? Nuk i kanë kushtet për të mbajtur një të sëmurë se e kanë një”, është shprehur Einxhel.
Më herët moderatorja ka treguar se mamaja e saj vuan nga sëmundja e parkinsonit, që i ka shkaktuar vështirësi në lëvizje.
