Në datën 23 Dhjetor u çel në Galerinë e Artit të qytetit të Vlorës ekspozita e fotografive e të rinjve të 3 shkollave të mesme të Ballkanit Perëndimor: “Jani Minga” Vlorë, “Mileniumi i Tretë” Prishtinë dhe “M.M.Brico” Delchevo-Maqedoni Veriore. Kjo ekspozitë u realizua nga Qendra Creative City në kuadër të projektit “Së bashku bëjmë një ndryshim” të mbështetur nga RYCO-Zyra e Bashkëpunimit Rajonal Rinor.
Ekspozita paraqet 3 qytetet, Vlorën, Prishtinën dhe Delchevon të fiksuara nga syri i të rinjve në 2 momente kyc të vitit 2020: gjatë izolimit të pranverës për shkak të COVID 19 me fotot nga dritarja e shtëpisë dhe në ditë normale, ku janë fiksuar potencialet natyrore dhe kulturore te 3 vendeve.
Kjo ekspozitë vjen si përmbushje e qëllimit të projektit që, SE BASHKU, të rinjtë mund të kapërcejnë pengesat dhe diskriminimin që historia ka ndjekur popujt tanë, në shërbim të pajtimit dhe bashëkpunimit, ku, diferencat bëhen vlerë dhe jo antivlerë. Ekspozita do të jetë e hapur për qytetarët deri në 31 dhjetor 2020 në Galerine e Arteve të qytetit të Vlorës, Pallati i Kulturës “Labëria”, kati 1. Respektimi i masave anti-COVID sipas udhëzimeve në fuqi është i obligueshëm.
