Ekstradohet nga Kroacia në Itali një 42-vjeçar me shtetësi shqiptare, i kërkuar prej tetorit 2022.
Sipas mediave italiane, Prokuroria e Përgjithshme në Gjykatën e Apelit të Triestes e kishte dënuar atë me 2 vjet e 6 muaj burg për episode të vjedhjes së rëndë, mashtrimit dhe rezistencës ndaj një zyrtari publik, të kryera në provincën e Udines midis viteve 2014 dhe 2017.
Ndërkohë nga Hungaria është ekstraduar në Itali një shtetas kosovar i dënuar me 3 vjet e 8 muaj burg për trafik klandestinësh, ngjarje e ndodhur në Itali në vitin 2015.
