Artan Kaja, 52-vjeçari shqiptar i gjetur i pajetë në një magazinë të fabrikës së letrës në Lucca nuk ka mbetur viktimë e një aksidenti në punë, por është ekzekutuar nga një armë zjarri .
Lajmi u bë me dije nga policia italiane, e cila shton se ka ndaluar një person të dyshuar për këtë ngjarje.
Kaja ishte drejtuesi i një kompanie të jashtme dhe u gjet i vdekur në fabrikën e letrës Smurfit Kappa në Lunata mbrëmjen e së martës. Fillimisht, autoritetet hodhën hipotezën e një aksidenti ose sëmundjeje gjatë punës.
Viktima është gjetur me një lëndim në kokë dhe mjekët dyshonin se kishte rënë nga një lartësi. Por tani shfaqet hipoteza që ai mund të jetë goditur me armë zjarri, e cila ende nuk është gjetur.
Autori i dyshuar i ngjarjes është një shqiptar tjetër, që është marrë në pyetje nga autoritetet, në praninë e avokatit, por dëshmia e tij është kontradiktore.
