Një grup që trafikonte emigrantë të paligjshëm nga Korça drejt Tiranës e më pas vendeve të BE, kundrejt pagesës, është goditur nga Policia. Në pranga kanë rënë 5 shtetas që kanë marrë nga 200 euro për person, për transportin e emigrantëve.
Specialistët për Hetimin e Trafiqeve të Paligjshme, në bashkëpunim me specialistët e Drejtorisë Rajonale të SHÇBA-së Elbasan dhe të Korçë, nën drejtimin e Prokurorisë, kanë zhvilluar me sukses operacionin policor “Kalimtarët”.
Si rezultat i këtij operacioni u arrestuan në flagrancë shtetasit: – B.R., 28 vjeç, E.K., 27 vjeç, të dy banues në Devoll, J.D., 28 vjeç, M.Gj., 29 vjeç, dhe N.A., 23 vjeç, të tre banues në Durrës. Këta shtetas janë arrestuar në flagrancë pasi në aksin rrugor Librazhd- Elbasan, në fshatin Mengël, janë kapur duke transportuar 10 shtetas të huaj.
Këta shtetas, në bashkëpunim me njëri-tjetrin kryenin në mënyrë të organizuar veprimtarinë k riminale të dhënies ndihmë shtetasve me origjinë nga vendet e treta, për kalim të paligjshëm të kufirit, duke bërë transportimin e tyre nga Korça drejt Tiranës, kundrejt fitimit 200 euro për person.
Në cilësinë e provave materiale janë sekuestruar 2 automjete, 5 aparate celular dhe 1 dozë l ëndë n arkotike k okainë. Vijojnë hetimet për identifikimin e shtetasve të tjerë të përfshirë në këtë aktivitet
