Kryeministri Edi Rama ka publikuar SMS të tjera këtë të enjte në profilin e tij në FB, ku bën publik një rast të dhimbshëm, por që ka gjetur zgjidhje pas mesazhit që ai i kishte dërguar shefit të qeverisë.

Bëhet fjalë për një aksident që i ka ndodhur të riut nga fshati Kotë i Vlorës i cili e siguron jetesën për vete e familjen e tij si coban. Nga aksidenti, Elidoni humbi 70 kokë dele me të cilat nxirrte bukën e fëmijëve. I riu sic shihet në fotot më poshtë, i ka nisur një tjetër mesazh ku e falenderon kryeministrin dhe tregon se 70 delet e dëmtuara i janë zëvendësuar. Kryeministri në përgjigjen e tij i uron cdo të mirë dhe e përgëzon për punën e ndershme me mundime.