Categories Lajme

Emërimi i kryetarit të përkohshëm deri në zgjedhjet e reja, mblidhet këshilli bashkiak i Himarës! Banorët përplasen me policinë

Sot në orën 10:30 nisi mbledhja e radhës në këshillin e Bashkisë së Himarës ku përveç disa pikave që janë në rend te ditës sot do diskutohet dhe caktimi i një prej 2 nënkryetarëve për të drejtuar bashkinë e Himarës deri në zgjedhje të reja.

Dy nënkryetarët janë Blerina Bala dhe Pervin Gjikuria të cilët do të zgjidhen nga këshilli i bashkisë së Himarës. Këshilli i bashkisë së Himarës përbëhet nga 21 anëtarë, 9 nga PS, 7 PD ndërsa 5 anetarë të tjerë nga parti të vogla.

Fillimisht në mbledhje do të diskutohet për rendin e ditës dhe më pas do të caktohet një nga 2 nënkryetarët.

Ende pa nisur mbledhja, banorët e pranishëm për të ndjekur mbledhjen e këshillit, janë përplasur me policinë pasi kërkuan që drejtuesi politik i PS, Blendi Klosi dhe prefekti i qarkut Vlorë, Vangjel Tavo të dilnin nga salla e mbledhjes.

Këshilli pritet të mandatojë sot kryetarin e përkohshëm deri në mbajtjen e zgjedhjeve të reja në Himarë pas arrestimit të kryebashkiakut Jorgo Goro nën akuzën e tjetërsimit të pronave.

Në mbledhjen e Këshillit Bashkiak të Himarës pritet që të merret vendimi që një nga nënkryetarët e bashkisë, midis Blerina Bala ose Pervin Gjikurian, të marrë drejtimin e bashkisë së Himarës. Duhet se favorite është Bala, teksa shumica e Këshillit përbëhet nga PS. Socialistët kanë shumicën në këshillin bashkiak të Himarës, 13 vota kundrejt 8 të opozitës.

Kujtojmë që kryetari i zgjedhur i Bashkisë së Himarës, Fredi Beleri, ndodhet në qeli pasi GJKKO e dënoi me 2 vite burg pasi akuzohet për korrupsion aktiv në zgjedhjet lokale të 2023-it. Ndërsa, Goro ndodhet në qeli pasi akuzohet për “shpërdorim detyre”.

SPAK ka njoftuar më herët se Goro akuzohet se në  dy episode të ndryshme ka kryer veprime në kundërshtim me ligjin, të cilat përbëjnë mos përmbushje të rregullt të detyrës, duke sjellë dhe pasojën kriminale në kuptim të dispozitës për të cilën hetohet.

Në njoftim bëhet me dije se Goro në cilësinë e kryetarit të Bashkisë, në bashkëpunim me Drejtorin e Drejtorisë së Mbrojtjes dhe Menaxhimit të Tokës, pa bërë asnjë verifikim konkret sipas detyrimeve ligjore, kanë përcjellë pranë organeve kompetente dokumente tërësisht të falsifikuara duke bërë të mundur më pas regjistrimin e një sipërfaqe prej 5512 m2 tokë bujqësore në pronësi shtet, në favor të subjektit privat.

Kjo sipërfaqe toke e ndodhur në Dhërmi pas regjistrimit në regjistrat publikë falë edhe veprimeve të kundërligjshme të personave përgjegjës (shtetasve të tjerë nën hetim Bilbil Aliaj dhe Vezir Gjiloka ) është tjetërsuar në favor të një subjekti privat, duke zhveshur shtetin nga pronësia mbi të. Ky tjetërsim është shoqëruar me përftim material të padrejtë për shtetasin tjetër nën hetim Stavri Mëhilli.

Gjithashtu, SPAK njofton se Goro po hetohet edhe për një rast tjetër, ku në bashkëpunim me shtetasin tjetër në hetim, Jerasimo Bashi, ka realizuar me veprime konkrete zhvendosjen faktike në terren të një sipërfaqe tokë bujqësore prej 5080 m2, duke ja mbivendosur atë një pasurie tjetër në pronësi të shtetit.

Përveç, Jorgo Goros, i cili akuzohet për veprën penale “shpërdorim detyre”,   SPAK ka lëshuar masën “arest me burg” edhe për shtetasin Stavri Mëhilli pasi akuzohet si për kryerjen e veprës penale “Falsifikimi i dokumentave”. Ai është shpallur në kërkim.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Arrestohet 20-vjeçari i shpallur në kërkim për trafik droge në Durrës

Është arrestuar një 20-vjeçar në Durrës. Orito Mema banues në Durrës,akuzohet për veprën penale “Prodhimi…

LEXO ME SHUME
Categories Lajme

Greqi/ Vdes nga vapa 23-vjeçari shqiptar me aftësi të veçanta, arrestohen prindërit e tij

Në Greqi një 23-vjeçar shqiptar ka ndërruar jetë për shkak të temperaturave të larta. Mediat…

LEXO ME SHUME
Categories Lajme

Pas radhës kilometrike të mjeteve, hiqet përkohësisht pagesa në autostradën Thumanë-Kashar

Pas skandalit të mëngjesit të sotëm me trafikun kilometrik nga aksi Thumanë-Kashar, mësohet se është…

LEXO ME SHUME
Categories Lajme

Vihen nën kontroll flakët në Llogara, drejtori i zjarrfikëses: Zjarri patjetër që ka dorën e njeriut

Zjarri që ra pasditen e djeshme në Llogara është vënë nën kontroll, ndërsa po punohet…

LEXO ME SHUME
Categories Lajme

Detaje/ Euro, blloqe dhe telefona, çfarë iu sekuestrua Beqajt dhe bashkëpunëtorëve pas kontrollit në banesë dhe zyrë

Pas më shumë se një viti hetimesh, ish-ministri i Shëndetësisë Ilir Beqaj është vënë sot…

LEXO ME SHUME