Një shqiptar në moshën 38-vjeçare ka humbur jetën pas një aksidenti automobilistik. Mediat e huaja, bëjnë me dije se ngjarja ka ndodhur në rrugën në Villafranca të Astit në Itali, ku 38-vjeçari i cili po udhëtonte me mjetin e tij tip ‘Fiat Panda” është përplasur me një mjet tjetër. Sipas informacioneve emri i viktimës është Klodian Tatani, babi i tre fëmijëve.
Ndërsa si pasojë e aksidentit kanë mbetur të plagosur dy persona të tjerë. Dyshohet se në momentin e aksidentit rruga ka qenë e lagësht dhe e rrëshqitshme. Shkak për aksidentin është bërë mjeti tjetër që humbi kontrollin dhe u përplas kokë më kokë me makinën që drejtonte shqiptari. Policia ka arritur menjëherë në vendngjarje dhe po merret me hetimin e aksidentit.
