Në aksidentin e rëndë që ndodhi mbrëmjen e së premtes në tunelin e Kalimashit ka ndërruar jetë Ediona Sala, banuese në Shkopet. Ajo ndodhej pasagjere në një nga automjetet që u përplasën.
Në Tunelin e Kalimashit, me drejtim Kukës- Tiranë, mjeti me targa shqiptare AB 214 EP, me drejtues Gjino Malci, nga Shkopeti, ka goditur nga mbrapa mjetin me targa italiane FB 282 FN.
Në mjetin me target italiane udhëtonin shtetasit kosovar Bexhet Zeneli, me vëllain Burimin dhe kunatën Mihrije Zeneli. Nga aksidenti, te mjeti me targa shqiptare ka vdekur pasagjerja Edjona Sala.
Po ashtu është dëmtuar drejtuesi i mjetit Gjino Malçi dhe pasagjerët Mariglen Gjoka dhe Sandra Bega. Gjino Malci dhe Sandra Bega janë nisur për mjekim në Spitalin e Traumës në Tiranë.
Kukës/ Informacion paraprak Më datë 07.01.2022, në brendësi të tunelit të Kalimashit janë përplasur dy automjete, me drejtues shtetasit Gj.M., banues në Shkopet dhe N.Z., banues në Kosovë.
Si pasojë e aksidentit ka ndërruar jetë pasagjerja E.S., banuese në Shkopet, si dhe janë plagosur 4 shtetas të tjerë, të cilët janë transportuar në spitalin e Kukësit.
Grupi hetimor dhe shërbimet e Njësisë për Sigurisë Rrugore të autostradës Kalimash- Morinë, ndodhen në vendin e ngjarjes dhe po punojnë për sqarimin e rrethanave dhe shkakut të aksidentit.
