Atentat i mirëmenduar ai i Vlorës por pa mundur që të neutralizojnë shënjestrën e tyre. 36-vjeçari Diego Hanaj mori një plagë plumbi në dorë, pasi ndaj tij u qëllua nga një automjet tip ‘Range Rover’, ndërsa dyshohet se në ngjarje ka marrë pjesë edhe një makinë tjetër.
Autorët i kishin zënë pritë Hanajt në lagjen Pavarësia, pranë një kryqëzimi dhe pak metra nga shtëpia e tij. I riu i shpëtoi të shtënave vetëm me një gërvishtje në dorë. Nisur nga dinamika e ngjarjes, dyshohet se kemi të bëjmë me një atentat të mirëfilltë me qëllim vrasjen e 36-vjeçarit Diego Hanaj.
Zona ku ndodhi atentati është maft e populluar dhe me kamera sigurie të bizneseve, pamjet e të cilave mund të ndihmojnë grupin hetimor për të zbardhur ngjarjen dhe identifikuar autorët. Janë shoqëruar disa persona që dyshohet se kanë qenë dëshmitar në momentin e atentatit.
Në vendngjarje ndërkohë policia ka gjetur 4 gëzhoja si dhe është vendosur perimetri i sigurisë e po punohet për grumbullimin e sa më shumë provave materiale. Ndërkohë, rruga ku ka ndodhur ngjarja është e bllokuar dhe ndalohet kalimi i makinave.
