Shqiptarja Etel Haxhiaj mposhti Gregory Stratman për të marrë vendin e hapur të Këshillit Bashkiak të Qarkut 5 të martën mbrëma, duke mbledhur gati 56% të votave.
Vendi i këshillit u lirua nga Matt Wally, i cili kandidoi pa sukses për një vend në këshill këtë vit, në Worcester, Massachusetts. “Jam shumë e lumtur që tani gjysma e qytetit të Worcester-it di si ta shqiptojë emrin tim,” tha Haxhiaj.
Haxhiaj, 41 vjeçe, vuri në dukje me krenari se ajo ishte refugjatja dhe emigrantja e parë me origjinë shqiptare, dhe e para myslimane amerikane që u zgjodh në Këshillin e Qytetit të Worcester-it, moment të cilit ajo ia atribuoi fokusit dhe angazhimit të fushatës së saj.
Ky është kandidimi i saj i dytë për poste politike, pasi ajo doli në vendin e tetë në një garë për gjashtë vende të këshillit të përgjithshëm në vitin 2019.
“Për shkak se ju djema qëndruat me mua, ne këmbëngulëm deri në fund. Ne zhvilluam një fushatë pozitive. Ne qëndruam të përqendruar në mesazhin tonë sepse ajo që ka rëndësi në fund të ditës nuk janë negativiteti dhe toksiciteti. Jemi ne, komuniteti ynë, barazia racore, strehim i përballueshëm dhe klima ndryshimi.” – shtoi Haxhiaj.
Haxhiaj mbërriti në Ëorcester në vitin 2001 si e re me prindërit e saj, pasi u arratis nga trazirat politike në Shqipëri.
Ajo mori kartën e gjelbër dhe përfundoi studimet universitare dhe pasuniversitare në Universitetin Clark. Ajo punon si drejtore e edukimit publik dhe avokimit në Aleancën Qendrore të Strehimit në Massachusetts dhe ka qenë e përfshirë me disa grupime e OJQ në qytet. Ajo është nënë beqare e dy djemve të vegjël.
