Janë identifikuar eshtrat e gjetura më 3 prill të këtij viti në Fushë-Kuqe të Kurbinit.

Sipas policisë, eshtrat i përkasin Mariglen Gjonajt, i cili rezultonte i zhdukur që nga 2015.

Ekspertiza mjeko ligjore bëri me dije se, eshtrat e gjetura në afërsi të Kurbinit rezultojnë se janë dëmtuar me mjete të forta.

Ekspertiza gjithashtu tregoi se 16-vjeçari para se të vritej është dhunuar me sende të forta, por ende nuk janë përcaktuar se me çfarë mjetesh është goditur viktima.

Gjonaj ishte i zhdukur para gjashtë vitesh në këtë zonë. Zhdukja e adoleshentit, Mariglen Gjonaj, është hetuar fillimisht nga Prokuroria e Laçit dhe më pas çështja ka kaluar në Prokurorinë e Krimeve të Rënda në Tiranë.