Enkeleda Kapedani mohon kategorikisht të ketë llogari në rrjete sociale, jo vetëm në “Facebook”, por edhe “Instagram” dhe “TikTok”. Top Channel bën të ditur se ajo është shprehur se videot mund t’ia kenë hedhur në rrjetin social fëmijët e saj.
“Videot janë personale të miat”, deklaroi gjyqtarja, kurse kanë dhënë më tej ndihmë për inspektorët e ILD.
“Ato mund t’i kenë hedhur fëmijët e mi, vajza dhe djali, njëri pesë dhe tjetri 7 vjeç”, këmbëngul gjyqtarja dhe ky version do të shqyrtohet në fillim të javës, bazuar në kërkesen për pezullimin e saj nga detyra.
Enkeleda Kapedani do të përballet të hënën me kërkesën e ILD-së për shkarkimin e saj, pas videove provokuese të saj në tik tok. Përballja mes palëve do të bëhet në Këshillin e Lartë Gjyqësor, ku më herët Kapedani ka dhënë sqarime mbi mënyrën si rrodhën videot në rrjet.
Kapedani është marrë nën hetim nga Inspektoriati i Drejtësisë, pasi në media i rrodhën disa video nga rrjeti social “Tik Tok”. Në video gjyqtarja shfaqet me rroba firmato teksa këndon: Rrethi im o ma fia!
