Kurdët u zhvendosen nga kufiri siriano-turk, sipas marrëveshjes së bërë mes presidentëve Putin dhe Erdogan gjatë takimit në Sochi. Lajmin e konfirmoi ministri rus i Mbrojtjes, Sergei Shoigu, i cili shtoi se ata janë pozicionuar në një vendndodhje tjetër dhe ajo zonë kontrollohet tanimë nga ushtritë e Rusisë dhe Turqisë, sipas marrëveshjes së arritur.

Hapi i radhës parashikon që zyrtarë të besuar të Erdogan të kontrollojnë sa e vërtetë është kjo dhe nëse kurdët janë spostuar apo jo 30 km larg zonës kufitare. Afati përfundimtar për këtë lëvizje ishte ora 15:00 e të martës, me orën lokale turke.

Por, ndërkohë media e huaj raportojnë se forcat turke kanë vijuar sulmet. Sipas “Anha”, një minë e vendosur nga mercenarë të ushtrisë turke plagosi rëndë dy persona.