Aktori 79-vjeçar Al Pacino dhe partnerja e tij Meital Dohan i kanë dhënë fund marrëdhënies së tyre e cila zgjati dy vite. Ish e dashura e aktorit të famshëm ka treguar arsyet që e shtynë atë t’i jepte fund marrëdhënies me Al Pacino-n.
“Është e vështirë të jesh me një burrë aq të vjetër, edhe pse është Al Pacino. Diferenca e moshës ka rëndësi. Unë u përpoqa ta mohoja, por për të qenë të sinqertë, ai tani është plakur. Pavarësisht gjithë dashurisë time, nuk zgjati. Kisha një zënkë me të së fundmi dhe e lashë, por sigurisht që e dua dhe e vlerësoj dhe jam e lumtur që isha me të kur kishte nevojë për mua. Është një nder për mua.
Jam e lumtur që ndodhi kjo marrëdhënie edhe shpresoj që të mbetemi miq të mirë. Ai më blinte vetëm lule. Si mund ta them me mirësjellje që nuk i pëlqente të shpenzonte para?”- ka rrëfyer ajo sipas “People”. Meital Dohan është 39 vite më e re se Al Pacino.
