Një familje me 10 anëtarë në Korçë, mes të cilëve fëmijë, jeton prej dy ditësh në një lulishte pasi banesa e tyre u dogj. Prej aty ata kërkojnë ndihmë pasi vetë thonë se janë në pamundësi.10 anëtarë të familjes Rrapi në Korçë, mes tyre fëmijë të mitur, prej dy ditësh e kanë shndërruar këtë lulishte në shtëpi.Një zjarr u shkrumboi banesën dhe tre kurorë që jetonin aty i la në qiell të hapur.Për ta është një sfidë tjetër jetësore, ndërsa më përballeshin me varfërinë.“Jemi familje shumë e varfër, bëhemi shumë vetë në shtëpi. Jemi 10 veta, me shumë fëmijë të vegjël dhe babain e sëmurë.Kërkojmë ndihmë nga bashkia, i lutemi zotit kryetar të na ndihmojë, të vërë dorën në zemër. Zjarri ishte në mëngjes herët. Vëllai i vogël e ndjeu i pari, shpëtoi fëmijët. Erdhën dhe komshinjtë dhe na ndihmuan, tmerri vetë”.Anëtarët e familjes thonë se gjithçka kishin është shkrumbuar dhe ata nuk kanë mundësi ta riparojnë shtëpinë.Ndaj kërkojnë ndihmë.“Kërkoj ndihmë nga të gjithë, kam një vajzë 2 vjeçe. Ne ishim në gjumë, vetëm kur ndjemë flakët, të qarat e fëmijëve”.Sipas hetimeve shkak për zjarrin që shkrumboi banesën u bë një shkëndijë elektrike.