Ditën e sotme është ndarë nga jeta nëna e kryeministrit, Aneta Rama, lajm të cilin e ka bërë publik vet ai nëpërmjet një postimi në rrjetet sociale. Rama është shprehur i pikëlluar për humbjen e saj në moshën 82-vjeçare teksa ka shkruar se do i mungojë shumë të gjithëve. Disa orë pas ndarjes nga jeta të nënës së kryeministrit, familja Rama i është drejtuar të gjithë miqve dhe familjarëve të tyre për ti mirëkuptuar në këtë ditë të vështirë dhe që nuk mund të presin ngushëllimet dhe pjesëmarrjen e tyre fizikisht në ceremoninë mortore.
Mesazhi i Edi dhe Olsi Rames Përulësisht u lutemi familjarisht mirëkuptim të gjithë të afërmve e miqve të mirë, për pamundësinë e pritjes së ngushëllimeve e të ceremonisë së përcjelljes së nënës sonë në banesën e fundit, në kushtet e detyrimit për të respektuar rregullat e mbrojtjes së shëndetit të gjithësecilit.
I falenderojmë të gjithë për mesazhet prekëse që vazhdojnë ta na vijnë për humbjen e nënës sonë të shtrenjtë dhe e vlerësojmë shumë respektin e mirëkuptimin e kujtdo që do të donte të ishte edhe fizikisht pranë nesh në këtë ditë të vështirë.Edi dhe Olsi Rama
