Qindra banorë të Shqipërisë dje dhe sot kanë arritur në Kosovë, nga ku do të strehohen për një kohë, pas tërmetit të tmerrshëm që ndodhi mëngjesin e së martës, shkruan Gazeta Express. Tërmeti përveç pasojave në njerëz, i ka lënë edhe pa strehim qindra familje shqiptare, që natën e parë e kanë kaluar në qiell të hapur. Kosovarët ndërkohë kanë njoftuar se do të ju vihen në ndihmë atyre që mbetën pa strehim, derisa, tashmë janë bërë publike vendet ku mund të drejtohen për të qëndruar. T7 momentalisht është duke qëndruar në një hotel të Prishtinës, aty ku janë strehuar një familje katër antarshe nga Shqipëria. Raportohet se këta janë duke pritur që të vijnë t’i marrin disa banorë të vendit./GazetaExpress/
