Koloni të tëra karkalecash kanë pushtuar sipërfaqe të pafundme tokash në zonën e Sektor-Seman në Fier. Fermerët pohojnë se sipërfaqe të konsiderueshme të mbjella me misër dhe jonxhë e grurë janë dëmtuar nga tufat e karkalecave.
Ndërkohë që nga viti në vit ky insekt problematik sa vjen e shtohet për shkak të rritjes së sipërfaqeve të tokave djerrë.
Të ndodhur në kushte të tilla fermerët pohojnë se mbështetje nga qeveria nuk kanë patur për zgjidhjen e këtij problemi, ndërsa theksojnë se dezinfektimi individual nuk ndihmon aspak në zhdukjen e karkalecit. Përballë kësaj situate ata apelojnë njëzëri për ndërhyrje urgjente nga Ministria e Bujqësisë, pasi tashmë karkaleci ndodhet në fazën e agresivitetit të tij.
