I ftuar ditën e sotme në emisionin “Zonë e Lirë”, ish kryeministi Sali Berisha, i cili më 15 tetor do të festonte 75-vjetorin e lindjes, ka rrëfyer se ndhet si fizikisht ashtu edhe psikologjikisht 20 vjet më i ri.
Madje ai ka zbuluar edhe “sekretin”.
“Unë mund të ndihem në të njëjtat parametra fizikë e psikologjikë të 20 viteve më parë. Kam një sekret, sekreti im është kalitja. Gjithë jetën i kam besuar stërvitjes. Në tërësi, nuk jam njeri abuziv, por kalitja është sekreti sot. Kam shumë arsye për të festuar në këtë 75-vjetor, nuk marrë ashensor për katin e katërt ku banoj. Respektoj shkallët”, ka thënë Berisha.
Ish kryeministri Berisha ka lindur më 15 tetor 1944 dhe përveç jetës profesionale si mjek, para viteve ’90, që prej Lëvizjes së Dhjetorit e deri më sot është një prej njerëzve më aktivë në politikën shqiptare.
