Qyteti i Fierit për të tretën ditë radhazi vijon të jetë i sunduar nga tymi i shkaktuar pas djegjes së mbeturinave. Tymi ka mbuluar të gjithë qytetin, teksa vijon puna për të mbuluar me dhe vatrat aktive.
Shtëllungat e tymit kanë pushtuar shtëpi e biznese që ndodhen shumë pranë fushës së mbetjeve, por ato po përhapen edhe në pjesë të tjera të qytetit, favorizuar edhe nga era dhe temperaturat e larta.
Banorët e shqetësuar kanë thënë se tashmë nuk po munden më as të marrin frymë lirshëm. Kujtojmë se tre ditë më parë flakët e zjarrit pushtuan mbeturinat në fushën e mbetjeve në Fier. Menjëherë në vendngjarje u çuan mjete të tonazhit të rëndë, si eskavatorë, për mbulimin e zjarrit.
https://streamable.com/sry2bk
