Një burrë nga Kina është arrestuar pasi dyshohet se ka shitur djalin e tij duke i përdorur paratë për të shijuar udhëtimet me të dashurën. I akuzuari me mbiemrin Xie fitoi kujdestarinë e djalit të tij pasi u divorcua nga gruaja, së cilës iu dha kujdestaria e vajzës së tyre.
Policia ka bërë me dije se djali është shitur tek një çift pa fëmijë në Changsu të Provincës Jiangsu për 25 mijë dollarë. Dyshimet lindën pasi xhaxhai i vogëlushit kishte kuptuar se vëllai i tij nuk e kishte dërguar në shtëpinë e nënës së tij, siç i kishte thënë.
Kur vëllai i tij nuk pranoi të përgjigjej, ai raportoi ngjarjen në polici. Sipas mediave kineze, personi i dyshuar dha dy nga vajzat e tij nga një martesë e mëparshme, sepse ai ishte në gjendje të rëndë financiare. /abcnews.al
