Kandidatja e ekstremit të djathtë në Francë, Marine Le Pen, ka humbur zgjedhjet presidenciale ndaj Emannuel Macron, i cili konfirmohet si president për herë të dytë, me një projeksion prej 58% të votave.
Le Penn ka dalë menjëherë në një konferencë shtypi e rrethuar nga mbështetësit e saj.
Ajo deklaroi se ka marrë një rezultat “historik” dhe se do të vijojë luftën.
Le Penn u ankua për ato që i quan “metoda brutale” të Macron gjatë zgjedhjeve dhe falenderoi votuesit e saj, veçanërisht ata në zona rurale dhe ata që jetojnë jashtë Francës.
Le Pen deklaroi se beteja do të vijojë në zgjedhjet parlamentare.
“Mund të shihnim një valë lirie në vendin tonë, por njerëzit e këtij vendi vendosën ndryshe.
Kur shohim rezultatet mund të shohim se ne gjithsesi kemi fituar. Miliona qytetarë zgjodhën të votonin për ne. Dua t’ju shpeh falenderimet të gjithë këtyre njerëzve.
Ne do të jemi këtu për të mbrojtur burrat dhe gratë në Francë. Ne do të mbrojmë interesat tuaj. Do të shihemi në betejën tjetër në zgjedhjet parlamentare”, tha ndër të tjera Le Pen.
